Monday, April 6, 2020

DINGDONG, NAGBIGAY NG ONLINE JOB LEADS PARA SA ALTERNATIVE WORK HABANG MAY ECQ


HINIKAYAT ni Kapuso Primetime King Dingdong Dantes ang ating mga kababayan na gawing makabuluhan ang kanilang oras habang naka-stay at home ang lahat bunsod ng ipinatupad na enhanced community quarantine sa Luzon. 

Sa kanyang latest Instagram post, inimbitahan niya ang kanyang followers na sumali sa adbokasiya ng YesPinoy Foundation kung saan siya ang chairman. 

Sabi niya, “Gusto mo ba ng trabaho habang naka-home quarantine? The YesPinoy Foundation supports the #SanaOL campaign of Jobstreet and Workabroad PH to provide livelihood opportunities to our kababayans amid the COVID-19 crisis.” 


Simula nang ipatupad ng gobyerno ang ECQ, maraming Pilipino ang pansamantalang nawalan ng trabaho at hanapbuhay. Kaya naman nakaisip ng solusyon si Dingdong para matulungan ang mga ito. 

Dagdag pa niya, “May online jobs para sa freelancers, sa mga naghahanap ng alternative work, at sa K-12/ High School graduates. May home-based jobs din na 'no experience needed' at interview na pwedeng sa telepono lang.” 

Samantala, patuloy ang paghahatid ng good vibes at impormasyon ni Dingdong kasama ang buong cast ng Descendants of the Sun sa kanilang official Facebook page. Hinihikayat nila ang lahat na magbahagi ng tulong para sa ating mga kababayang nawalan ng hanapbuhay. Maaari mag-donate sa Kapuso Foundation. Bisitahin lamang an gmanetwork.com/kapusofoundation/donate.

No comments:

Post a Comment