Monday, April 6, 2020

MARTIN, MASAYA NA NAPUNTA SA KANYA ANG CHARACTER NI 'JUDAS'



FIRST time man ni Kapuso actor Martin del Rosario na magkaroon ng dubbing session, excited at masaya raw siya sa bagong experience na ito. 

Sa Lenten special kasi ng GMA Network na Jesus: His Life, si Martin ang magiging boses ng karakter ni Judas na isa sa 12 na disipulo ni Jesus Christ na kalauna’y nag-traydor sa kanya kapalit ng salapi. 


Imbes na kabahan sa mabigat na karakter na gagampanan, masaya ang aktor na isang makulay at interesting na karakter ang napunta sa kanya. 

“Suwerte ko na si Judas 'yung napunta sa akin kasi interesting ang character ni Judas kasi 'di ba sa pagkakaalam natin siya 'yung nag-traydor kay Jesus kapalit ng silver coins,”  sabi ni Martin. 

Dagdag pa ng award-winning actor, hindi raw madali na umarte gamit lamang ang boses lalo pa at kailangan mo ring sundan ang facial expressions ng nasa screen. 

“Dito sa dubbing kasi may ibang actor, e. Susundan mo lang 'yung boses with timing. Tapos gustuhin ko mang umarte sa mukha, ang hirap kasi dahil nagbabasa ka ng lines, tapos 'yung boses mo ina-acting mo.” 

Mapapanood ang Jesus: His Life sa Good Friday, April 10, ika-lima nang hapon sa GMA-7.

No comments:

Post a Comment