NAG-UUMAPAW ang chemistry nina Kapuso stars Benjamin Alves at Lovi Poe sa sizzling photo na ipinost ng actor sa kanyang Instagram account kung saan naka-topless ito at katabi ang aktres.
Bibida kasi ang dalawa sa bagong GMA romance-comedy series na ‘Owe My Love’ bilang sina Doc Migs (Benjam) at SenSen (Lovi) o tambalang SenMig ayon sa nakakaaliw na caption ng Kapuso hunk actor.
Mas lalong na-excite naman ang mga fans ng dalawa na huli silang nakitang magkatambal sa seryeng Beautiful Strangers pa noong 2015, “Wow! Makikita ko na naman kayo ulit after Beautiful Strangers. Sobrang bagay kayong dalawa at parehas pang magaling.”
Aktibo rin sina Lovi at Benjamin sa pagpapaabot ng tulong sa mga apektado ngayon ng lumalaganap na COVID-19 sa kani-kanilang social media accounts.
Bukod kina Lovi at Benjamin, makakasama rin nila sina Ai Ai delas Alas, Ruby Rodriguez, Leo Martinez, Nova Villa, Jackie Lou Blanco, Winwyn Marquez, Buboy Villar, at Kiray Celis. Mapapanood ang Owe My Love sa GMA Network.
No comments:
Post a Comment